Kif Tapplika

L-Applikazzjonijiet jiftħu f’Lulju. Id-dati preċiżi jinstabu fuq in-Noticeboard

PERMEZZ TAL-INTERNET

Biex tapplika, illogja fuq is-sit: https://mavc.gov.mt/programme/apply

Ikklikkja ‘COURSES’, agħżel is-suġġett li tixtieq tapplika għalih, u ikklikkja ‘APPLY’. Imla d-dettalji meħtieġa. imbagħad ikklikkja fuq l-icons ‘ ACCEPT’ and ‘SUBMIT’.

Imbagħad tintalab sabiex tissottometti l-ħlas tiegħek, (jekk dan ikun japplika) billi tuża id-Debit Card jew il-Credit Card tiegħek.

Jekk m’għandekx servizz tal-internet mid-dar, tista’ titlob l-għajnuna jew mill-iskola, jew mill-Kunsilli Lokali li joffru dan is-servizz. Ninkoraġġukom tissottomettu l-applikazzjoni tagħkom onlajn peress li b’hekk dawn jiġu ipproċessati minnufih.

MAGĦMUL PERSONALMENT B’MOD FIŻIKU

L-Iskola tad-Drama u d-Drama qed toffri gwida u tista’ taċċetta applikazzjonijiet bejn id-9.00 a.m. u nofsinhar fil-ġranet li fihom jiftħu l-applikazzjonijiet fi Triq Mountbatten Blata l-Bajda HMR 1575, Malta (t.2598 3740).
Jekk tagħżel li tapplika b’dan il-mod, tista’ tħallas billi tuża il-Credit/Debit Card.

Applikanti li jagħżlu li jħallsu jew permezz ta’ ċekk inkella bi flus kontanti jistgħu jagħmlu użu minn kwalunkwe fergħa ta’ One Stop Shop-servizzi.com.

Applikazzjonijiet li jintbagħtu bil-posta ma jiġux aċċettati.

TERMINI U KUNDIZZJONIJIET

• Il-pagament ta’ reġistrazzjoni (fejn applikabbli) huwa indikat f’kull taqsima tal-Grupp tal-Kors.
• Sabiex tiġi ffurmata klassi, għandhom jirreġistraw numru minimu ta’ studenti u jħallsu t-tariffi.
• Ġeneralment l-ammont minimu ta’ parteċipanti għal kull klassi huwa 10, madankollu l-Prinċipal tal-Kulleġġ jirriserva d-dritt li jbiddel dan in-numru għal suġġett partikulari minħabba eżiġenzi ta’ suġġett partikulari.
• Il-klassijiet li għandhom inqas studenti matul is-sena jistgħu jingħaqdu, sabiex jiġi żgurat servizz sostenibbli.
• Huwa preferibbli li wieħed japplika onlajn sabiex tiġi żgurata reġistrazzjoni immedjata.
• Individwi minn pajjiżi barranin għandhom jippreżentaw id-dokumentazzjoni legali tagħhom. Wieħed ma jistax jitlob viża għal soġġorn twil bil-pretest li applika għal kwalunkwe wieħed minn dawn il-korsijiet.