Tariffi u Pagamenti

Dawn li ġejjin huma eżentati mill-pagament:

• Tfal ta’ taħt is-16-il sena.
• Adulti li jikkwalifikaw taħt (a), (b), (c), (d) u (e) taħt is-sottotitlu “Pagament” ta’ hawn fuq.
• Dawk li għandhom il-Karta Anzjan ma jħallsux għall-ewwel kors tagħhom (madankollu, il-korsijiet sussegwenti kollha li għalihom tressqet applikazzjoni matul is-sena skolastika 2020-2021 jeħtieġ li jitħallsu).
• Applikanti li, minħabba raġunijiet soċjali, jiddikjaraw li ma jaffordjawx it-tariffa rilevanti, għandhom japplikaw personalment u mhux permezz tas-servizz onlajn. Imbagħad huma għandhom jimlew u jiffirmaw il-formula neċessarja, li għandha tiġi verifikata u approvata mid-Direttur għat-Tagħlim tul il-Ħajja wara konsultazzjoni mad-Dipartiment tas-Servizzi Soċjali.
• Applikanti li jħossu li huma intitolati għal eżenzjoni mill-pagament jirrikjedu permess li għandu jinħareġ mill-Bord xieraq fil-Ministeru għall-Edukazzjoni u l-Impjieg. Din l-eżenzjoni għandha tinkiseb qabel jibda l-kors, inkella jkun meħtieġ pagament. Jekk l-eżenzjoni tasal wara li jsir il-pagament, l-applikant se jkun intitolat għal ħlas b’lura tal-pagament. L-applikanti jeħtieġ li jiksbu din il-Formula ta’ Eżenzjoni u japplikaw fil-Bord tal-Ministeru.

Il-pagament għall-applikanti huwa kif ġej: L-applikanti li huma:

(a) ċittadini ta’ Malta; jew

(b) ċittadini ta’ Stati Membri oħra tal-Unjoni Ewropea li huma intitolati għal trattament ugwali għaċ-ċittadini Maltin fi kwistjonijiet ta’ impjieg bis-saħħa tal-leġiżlazzjoni u d-dispożizzjonijiet tat-trattat tal-UE li jittrattaw il-moviment liberu tal-ħaddiema; jew

(c) ċittadini ta’ kwalunkwe pajjiż ieħor li huma intitolati għal trattament ugwali għaċ-ċittadini Maltin fi kwistjonijiet relatati mal-impjieg bis-saħħa tal-applikazzjoni għal dak il-pajjiż tal-leġiżlazzjoni u d-dispożizzjonijiet tat-trattat tal-UE li jittrattaw il-moviment liberu tal-ħaddiema; jew

(d) kwalunkwe persuna oħra li hija intitolata għal trattament ugwali għaċ-ċittadini Maltin fi kwistjonijiet relatati mal-impjieg f’termini tal-liġi jew tal-leġiżlazzjoni u d-dispożizzjonijiet tat-trattat tal-UE msemmija hawn fuq, minħabba r-relazzjoni tal-familja tagħha ma’ persuni msemmija fil-paragrafu (a), (b) jew (c); jew

(e) ċittadini ta’ pajjiżi terzi li jkunu ngħataw status ta’ resident fit-tul f’Malta skont ir-Regolament 4 tar-“Regolamenti dwar l-Istatus tar-Residenti (Ċittadini ta’ Pajjiżi Terzi) fit-Tul, 2006” jew li jkunu ngħataw permess ta’ residenza skont ir-Regolament 18(3) tiegħu, flimkien mal-membri tal-familja ta’ tali ċittadini ta’ pajjiżi terzi li jkunu ngħataw permess ta’ residenza skont ir-“Regolamenti dwar ir-Riunifikazzjoni tal-Familja, 2007”

Se jħallsu t-tariffi dawn li ġejjin:

Korsijiet qosra (14-il ġimgħa jew anqas) €18.63

Korsijiet li bejn wieħed u ieħor idumu 32 ġimgħa: €34.94

Korsijiet li jwasslu għal-Livell Intermedju u/jew Avvanzat jew il-Livell 4: €46.59

L-applikanti li ma jaqgħux fi kwalunkwe waħda mill-kategoriji t’hawn fuq jeħtieġ li jħallsu d-doppju tal-ammont indikat.
Ladarba tkun għamilt il-pagament tiegħek, jekk jogħġbok żomm kopja stampata tal-irċevuta tiegħek sabiex turiha lit-tutur tiegħek fl-ewwel jum ta’ attendenza ta’ kull kors. L-istudenti mhux se jitħallew jattendu l-kors mingħajr irċevuta.

Ħlas b’lura

L-ebda ħlas b’lura mhu se jingħata ħlief meta l-bidliet isiru direttament mid-Direttorat. Kors jista’ jsir, jew jiġi terminat, skont id-diskrezzjoni tad-Direttur għat-Tagħlim tul il-Ħajja, f’liema każ l-applikant huwa intitulat għal ħlas b’lura sħiħ pro-rata, dment li huwa ma jkunx il-kawża tat-terminazzjoni tal-kors inkwistjoni.